O DISCO

Supoño que xa o sabes, pero por se non o sabes, dígocho eu: a música e a poesía son dúas artes que teñen moita relación entre si:

  • hai moitos séculos, a poesía recitábase acompañada de música
  • hai músicos que son poetas
  • hai poetas que son músicos
  • hai poesía, por exemplo, nas cancións de berce que nos cantan as nosas nais e pais cando somos bebés
  • facemos poesía cando cantaruxamos as sortes, para xogar no recreo.
  • facemos poesía, e moita, cando rapeamos.
  • hai poesía nas letras das cancións.
  • hai poemas que parece que foron escritos para ser cantados.
  • e moitísimo máis…

Pois, sabendo que a música e a poesía eran como dúas irmás xemelgas, Xurxo Souto e mais eu chegamos á conclusión de que o libro O meu gato
é un poeta
tiña que levar banda sonora e había que gravala nun disco.
O CD é a banda sonora do libro e foi gravado nos estudos de Casa de Tolos (Mañufe, Gondomar) en marzo de 2010, co traballo técnico de Segundo Grandío e Pablo Casal. Segundo Grandío, que tamén é músico, toca o contrabaixo nalgún tema.

A música tan lambona do disco compúxoa Xurxo Souto para catro poemas de O meu gato é un poetaO meu gato poeta», «O amor», «O mar» e «Cantiga da escola») e para dous de CidadesNa miña cidade» e «Teño un amigo que dorme»). El tamén é a persoa que toca o acordeón mentres eu recito. Ademais, Xurxo Souto canta no tema ou poema «O amor» e ambos os dous miañamos coma verdadeiros gatos na canción «O meu gato poeta».
A que parecemos gatos de verdade?


Coñeces a Xurxo Souto? Seguro que si.
É músico e escritor.
Xurxo Souto fundou en 1990 o grupo de rock Os Diplomáticos de Monte Alto, que cantaba en galego; fundou o movemento Bravú; tivo varios programas de música na radio e agora tocou noutra banda que se chama
Os tres trebóns.
Ademais, tamén é escritor e publicou varios libros.

Xurxo Souto e mais eu pasámolo moi ben preparando este disco.
A ver se ti o pasas igual de ben escoitándoo!

Música e acordeón: Xurxo Souto
Contrabaixo: Segundo Grandío
Voz: Fran Alonso
Técnicos de son: Pablo Casal e Segundo Grandío

Queres escoitar o disco completo e facer comentarios?

Entra co contrasinal que está na páxina 8 do libro O meu gato é un poeta.

Entra picando nesta ligazón