O amor. 

Unha cousa estraña 
e difícil de definir. 
O amor sabe a doce, a amorodo, 
a chocolate, pero tamén 
a café amargo 
e pica como a menta extraforte. 
O amor pode ser empalagoso 
coma un pastel de nata ou molesto 
coma unha mosca sobre a pel. 
O amor é libre e subversivo 
coma un berro e ten alma de lume, 
que ás veces se aviva ou se apaga. 
É suave coma un bico de caramelo 
ou brutal coma un espirro alérxico 
na primavera. 
Pode ocasionar chimpos estraños nos pés, 
coma se che tocase a lotería, 
ou pode facer que todas a nubes 
do ceo se che metan na cabeza 
provocando un temporal. 
O amor é… unha cousa estraña 
e difícil de definir.